Fréttir

Skotthúfan 2019 verður haldin 29. júní næstkomandi, en Skotthúfan er þjóðbúningadagur Norska hússins - byggðasafns Snæfellinga og Hnappdæla - í Stykkishólmi. Hér fyrir neðan má sjá dagskrá hátíðarinnar:

Alþjóðaveðurfræðistofnunin WMO veittti nýlega tveimur veðurathuganarstöðvum á Íslandi viðurkenningu fyrir meira en 100 ára samfellda mælisögu. Þetta er stöðin að Teigarhorni í Berufirði og stöðin í Stykkishólmi. Í tilefni viðurkenningarinnar efnir Norska húsið til stuttrar dagskrár föstudaginn 17. maí. Dagskráin hefst kl. 11:30 með stuttum fróðleikserindum frá Veðurstofu Íslands í Eldfjallasafninu en í lokin mun Árni Snorrason, forstjóri Veðurstofu Íslands afhjúpa viðurkenningarskjöld Alþjóðaveðurfræðistofnunarinnar í Norska húsinu.

Dagana 21. - 24 mars verður Júlíana - hátíð sögu og bóka haldin í sjöunda sinn í Stykkishólmi. Byggðasafn Snæfellinga og Hnappdæla ætlar að taka þátt í hátíðinni og opna sýningu um Júlíönu Jónsdóttur sem hátíðin er kennd eftir. Júlíana Jónsdóttir (27. mars 1838 – 12. júní 1917) var íslensk skáldkona, fædd á Búrfelli í Hálsasveit í Borgarfirði en fluttist til Kanada og dó þar. Hún gaf út ljóðabók fyrst íslenskra kvenna. Það var bókin Stúlka sem kom út árið 1876. Veturinn 1878-79 var leikrit hennar Víg Kjartans Ólafssonar sett upp í Stykkishólmi og er það fyrsta leikritið á Íslandi sem gert er eftir íslenskri fornsögu. Árið 1916 gaf hún svo út bókina Hagalagðar, sem kom út í Winnipeg og var fyrsta skáldverk eftir íslenska konu sem kemur út á bók vestanhafs. Á sýningunni verður ævihlaupi Júlíönu gerð skil, verkum hennar og tímanum er hún bjó í Stykkishólmi.